iPhonEo

Kiu ne scias la animacian filmon “Mazi en Gondolando”? Ĝi estas la plej interesa animacia filmo en Esperanto. Ĝin ŝatas kaj infanoj kaj plenkreskuloj.  Ĝi estas unu el plej efikaj kursoj de Esperanto. Se vi tamen ne scias ĝin, spektu parteton: Mi konvertis la unuan filmon de “Mazi en Gondolando” por iFono. Grando: 318 MB Daŭro: 1 horo 17 minutoj Video: MPEG-4, Stereo 48.000 kHZ Bitrapido: 566 kb/sek. Rezultiĝis 4 arkivoj: Arkivo 1 Arkivo 2 Arkivo 3 Arkivo 4 Elŝutu ĉion en unu dosierujon kaj malpaku. Ĝuu!

Antaŭ kelkaj semajnoj mi donacis al vi kelkajn sonojn por telefonvokoj. Nun mi rakontos, kiel vi per propraj manoj povas krei sonon, kiun vi vere ŝatas. Vi bezonas: 1. mp3-dosieron, el kiu vi kreos sonon 2. iTunes 3. Se via mp3-dosiero daŭras pli ol 30 sekundojn, vi bezonas tranĉi ĝin. Kiel tranĉi mp3-dosieron? Mi proponas du variantojn: 1. per paĝaro http://www.mp3cut.net/. Alŝutu, elektu komencon kaj finon de sono kaj tranĉu. Memoru, ke vi bezonas la sonon, kiu daŭras ne pli ol 30 sekundojn. (la paĝaro estas en la rusa kaj la angla) 2. per malpeza senpaga programo mp3DirectCat kun intuitive komprenebla interfaco. (aŭ per aliaj programoj) Nun vi havas 30-sekundan sonon. Celo estas krei m4r-dosieron. Ni faros tion per iTunes. 1. Aldonu vian 30-sekundan sonon al iTunes 2. Klaku per dekstra butono kaj elektu “Krei AAC-formaton” 3. Serĉu konvertitan m4a-dosieron, renomu ĝin al m4r. Klaku sur m4r-dosieron kaj iTunes aldonos vian sonon al mediejo. Sinkronizu iTunes kun iFono. 4. Ĝuu la sonon Aŭ vi povas fari pli facile: vizitu http://audiko.net/ por krei la sonon aŭ elekti el jam ekzistantaj.

Vi povis ricevi imagon, ke mi estas tute serioza knabaĉo, okupiĝanta pri seriozaj programoj en iFono, pri oficaj programoj, komplikaj procedoj k.t.p. Sed tio ne estas vero. En mia aparateto estas ne nur utilaj programoj, sed ankaŭ ludoj. Cetere mi preferas logikajn kaj belaspektajn ludojn. Unu el tiuj estas:

The Treasures of Montezuma En la ludo vi devas solvi multajn logikajn taskojn kaj trovi vojon al malnova ĉefurbo de aztekoj.  Por plenumi la mision ŝovu la sunajn ŝtonetojn tiel por ke post via movo aperu horizontala aŭ vertikala linio el minimume tri ŝtonetoj de la sama koloro kaj formo. Al kelkaj ŝtonetoj estas gluitaj kristaloj, malgluu ilin kaj ili montros al vi la vojon al la sankta urbo de indianoj. Plenumi la mision estas malfacile, do uzu pli ofte magiajn totemojn kaj bonusojn. Ili helpos al vi kolekti bezonatan kvanton de kristaloj, aldonos tempon por finado de nivelo aŭ donacos aldonajn poentojn. La ludo plaĉos al tiuj, kiuj ŝatas interesajn kaj pasiigajn logikajn aventurojn. Solvu taskojn de malnova civilizo de aztekoj, trovu legendan trezoron de indianoj kaj ricevu la ĉefan premion – oran … de Montezuma. (La sekreton mi ne malkaŝos) La ludo ekzistas en 10 lingvoj: la angla, la germana, la franca, la hispana, la itala, la nederlanda, la portugala, la rusa, la ĉeĥa, la sveda. [iTunes ligilo] Kostas: $0.99 (nur ĝis la 20a de majo 2009) Ekranprintaĵoj:

[singlepic id=121 w=200 h= float=center]	[singlepic id=122 w=200 h= float=center]
[singlepic id=123 w=200 h= float=center]	[singlepic id=124 w=200 h= float=center]
[singlepic id=125 w=200 h= float=center]

Mi ŝatas aŭskulti. Mi ŝatas aŭskulti principe… Estas agrable aŭskulti, kiam oni legas por vi, mi ŝatis tion de infanaĝo. Nun mi estas granda (“Mazi”) knabo kaj tutegale mi ŝatas aŭskulti, kviete aŭskulti kiam malantaŭ la fenestro pluvas, kiam lirlas rivero, kiam parke ludas orkestro. Nur tiel oni povas malstreĉi sin. Mi ŝatas sonlibrojn. ;) Tiu ŝatado pligrandiĝis kaj evoluis ekde mi havas iFonon. Vi povas alŝuti al iFono mp3-dosierojn kun sonlibro, sed post paŭzo en aŭskultado aŭ sekvan fojon vi devas memorfiksi, kie vi haltis la lastan fojon, serĉi la koncernan lokon. Ho ve, estas maloportune. La solvo ekzistas! Ĝi nomiĝas m4b-formato, subtenata de iFono kaj kies dosierojn iFona iPod ordigas en specialan dosierujon nomatan SONLIBROJ. Jen estas oportuneco. Kial m4b? Ĉar ĝi enhavas kovrilon de sonlibro, enhavliston, priskribon de sonlibro, kaj ĝi memorfiksas la lokon, kie vi ĉesis aŭskulti.

Alŝuto de m4b-dosiero en iFonon: 1. Per iTunes aldoni mediadosieron al plurmediujo. 2. iTunes ordigas la dosieron kaj vi sinkronizu iFonon kun iTunes 3. Sonlibro estas en rubriko “Ankoraŭ” – “Sonlibroj” Kiel krei m4b-formaton mi rakontos la sekvan fojon. Demando al vi: ĉu vi ŝatas sonlibrojn? Kiujn?

Mi ĉiam serĉas ion interesan por mi, ĉar multo, kion mi vidas, baldaŭ komencas tedi al mi. Mi adoras fantastikajn kreaĵojn, ĉar mem ne estas kreema. Inter malmultekostaj programoj mi tuj ekvidis ion, kio estis ekstreme neformata por kutima kompreno. Okarino por iFono. Mi serĉis en la reto kaj trovis la signifon. Okarino estas fluteca blovinstrumento tipe farita el ceramiko. Pro tio, ke la okarino ne havas ordinaran cirklan formon, sia sono estas iom malsama ol tiu de aliaj flutoj. Laŭ kelkaj sciencistoj, okarino aperis antaŭ 12 000 jaroj, ĝi ludis gravas rolon en Ĉinio kaj antaŭkolumba Ameriko. Instalante la programon vi ricevas muzikinstrumenton el glaso, ceramiko kaj metalo. Mikrofono konvertas vian blovon al tonoj kaj sonigas ĝin laŭ sia karaktero. Estas kvar “truetoj” sur ekrano, do entute vi ricevas 16 tonojn. Sed iFono restas iFono kaj vi povas ĝojigi ne nir viajn najbarojn sed ankaŭ la tutan mondon. Konektita iFono sendas vian ludadon al la reto kaj ĉiu povas aŭdi vin kaj eble, se vi bone ludos, vi akiros ŝatantojn kaj vi povas doni koncertojn eĉ el necesejo aŭ speciale ludi por via amatino/amato, kiu eble estas en alia parto de la mondo. Se vi ne estas denaska muzikisto, vi povas lerni ludi ĉi tie (en la angla), ĝui muzikprovojn de entuziasmuloj ĉi tie. Kaj vi povas ĝui interesan muzikaĵon: [iTunes ligilo] Kostas 0,99$

Hodiaŭ mi rakontos al vi, kiel vi mem povas krei somoso-tonojn, ĉar jam ekzistantaj tonoj (malgraŭ kvano je 6 tonoj) estas enuaj. ;) Por krei propran mojosan tonon vi bezonas: 1. Elprizonigitan iFonon 2. mp3-dosieron kun daŭro je 30 sekundoj aŭ malpli (vi povas detranĉi peceton de iu muzikaĵo) 3. iTunes 4. Komputilan programon por aliro al dosier-sistemo de iFono (ekz. iPhone Pc Suite, iPhoneBrowser, DiskAid) La celo estas krei .caf-dosieron. (Se vi havas aliajn metodojn, do uzu ilin kaj rakontu tion al ni en komentoj) Procedo: 1. Startigu iTunes kaj importu mp3-dosieron (File – Add files) 2. Iru al Preferences – Import Settings (en iTunes 8 ĝi troviĝas en General) 3. Elektu opcion: Import using: AIFF Enconder 4. En Advanced memorfiksu, kie iTunes konservos vian tonon. Presu OK 5. Revenu al listo de sondosieroj, serĉu nian importitan mp3-dosieron. 6. Klaku per dekstra butono de via muso sur mp3-dosiero, elektu Create AIFF version. Serĉu konvertitan dosieron. Ŝanĝu finaĝon de dosiernomo de aif al caf. Rimarko: 6 defaŭltaj sms-sonoj havas sekvajn nomojn: sms-received1.caf sms-received2.caf sms-received3.caf sms-received4.caf sms-received5.caf sms-received6.caf Kaj tiel oni funkcias en la sistemo de iFono. La disierujo por sms-sonoj en iFono estas /System/Library/Audio/UISounds 7. Elektu unu nomon el defaŭltaj, kiun vi ŝatus anstataŭigi. Ekz. mi ŝatus havi novan sonon anstataŭ sms-received4.caf. 8. Renomu novkreitan .caf-dosieron laŭ elektita nomo (mi renomas laŭ sms-received4.caf) kaj faru sekurkopion de originala dosiero. 9. Anstataŭigu malnovan dosieron per nova. 10. Iru al Agordoj de via iFono kaj elektu la kvaran sonon (en mia kazo) Rimarko: nomoj de sonoj en Agordoj restos la samaj, kiuj estis. 11. Ĝuu Mi aldonas miajn tri sonojn por somosoj. (600 kb)

Defaŭlta iFon proponas ege ne interesajn sonojn por telefonvokoj, mi kreis kelkajn proprajn por uzi ilin por diversaj grupoj de kontaktoj en mia aparato. Mi ŝatus donaci ilin al vi: Esperantaj:

• Tro da fungoj  – La Pafklik
• Tosto – Kajto

Ne esperantaj:

• coca-cola – El reklamo
• La Valse d’Amelie – Yann Tiersen (el konata filmo pri Amelie)

Ĉiuj dosieroj kaj sonoj estas en m4r-formato, do ili pretas por via ĉarma iFon. (2,5 Mb) Instalado:

1. Elŝutu zip-dosieron (2,5 Mb)
2. Malkompaktigu la dosieron
3. Antaŭe aŭskultu sonojn per programo QuickTime por elekti ŝatatan sonon
4. Kopiu al iTunes-dosiero, kie vi deponas dosierojn por iFon
5. Simple klaku sur son-dosiero, iTunes aŭtomate rekonos sonon por iFon (aŭ en iTunes: File-Aldoni dosieron al plurmediejo-elektu dosieron)
6. Sinkronigu iTunes kun via aparato
7. Ĝuu

En venontaj afiŝoj mi daŭrigos donacadon de sonoj por via iFon kaj rakontos, kiel oni mem povas produkti tiujn sonojn. Kaj kiuj sonoj estas en via iFon?