Ni estas frenezaj ĉiam, kiam temas pri nia ŝatokupo. Ni dediĉas multe da tempo al tio, kio igas nian koron bati pli forte kaj pli rapide. Sen nia adoraĵo vivo estas ne vivo kaj suno brilas malhele.
Do, ni prezentas al vi blogon pri nia ŝatokupo, kio estas parto de ni kaj diaĵo por kelkaj. Pri iPhone en Esperanto ekzistas nun komuna blogo, verkota de teamo, kiu nun kreiĝas kaj se vi, kiu nun legas la afiŝon pensas, ke li aŭ ŝi povas plenkore kontribui al la afero, do vi estas ege bonvena!
Ni regule prezentos kaj prilumos temojn, ligitajn kun iPhone: diversajn novaĵojn, programojn, trukojn kaj sekretojn kaj certe ni provos esperantigi iPhone kiel eble plene kaj rapide komencante de tre facilaj aferoj kaj daŭrigante ĝis kiam mordita pomo ne verdiĝos, kia ĝi estas sur tekokomputilo de knabo en la ĉefa paĝo. Li interalie simbolas modernan vivrigardon kaj iom similas al ni, li ĉiam esploras, babiladas kun amikoj per interreto, arde sekvas novaĵojn pri eksterordinaraj teknikaĵoj, kiuj faras nian vivon fantastika.
Kaj nun estas kelkaj proponoj por vi:
Se vi estas leganto de la blogo:
1. Vi estas jam mojosa, ĉar vi trovis tiun blogon!
2. Se vi havas iom da tempo, bonvolu komenti niajn afiŝojn. Tio montros al ni, ke al vi plaĉis la artikolo, se ĝi al vi ne plaĉis, ankaŭ skribu pri tio.
3. Se vi havas iujn problemojn pri via iPhone, ni volonte kaj tute senpage pretas helpi al vi tiomgrade, kiel ni mem kapablas tion fari. Ni ja estas simple fanatikuloj, kiuj ŝatas por ke nia poŝtelefono funkciu efike kaj senprobleme. Sed ni nenion garantas al vi, ni ne estas Apple. 
Komence eblas skribi aŭ per kontakta formo aŭ en iu ajn afiŝo en la blogo.
Se vi estas persono kreanta:
1. Vi jam estas mojosa, ĉar nur mizera kvanto de homoj kapablas krei kaj produkti vere utilajn kaj interesajn aferojn!
2. Mi invitas vin persone aliĝi al grupo de aŭtoroj de la blogo kaj skribi pri kio vi ŝatas, sed tio devas esti ligita kun iPhone aŭ iom kun Apple. Por aliĝi al ni, skribu per kontakta formo, prezentu vin kaj kunsendu teksteton pri iPhone, skribitan de vi (kvanto de signoj ne gravas) por ke ni decidu pri via aliĝo.
Kaj nun estas mallonga ekskurso.
Kreskantan teamon de la blogo eblas rigardi en blogero Pri ni.
Nia lingvaĵo estas certe estas mojosa, sed tamen ni uzadas Terminokolekton pri iPhone. Ankaŭ por ĝia disdatiĝo ni invitas ĉiujn.
RSS-fluo de blogo estas http://iphoneo.info/feed, aliajn vi povas preni per via krozilo, kion ĝi nur povas montri al vi.
Vi rajtas kaj povas komenti afiŝojn kaj eĉ aboni novajn komentojn de ŝatata afiŝo de la blogo, simple markante elektobutonon sun la butono Sendi en la afiŝo.
Se vi publikigas ie informojn, afiŝojn de tiu ĉi blogo, la prenaĵon devas akompani ligilo al la blogo, ĝi ne estas longa kaj ĝin eblas facile memorfiksi: iPhonEo.info
Por unua afiŝo sufiĉas!
Aleksander Osincev
Nuna aŭtoro
Kontakteblecoj:
ICQ: 339408218
Jabber: alex-kaoru@jabber.ru
Skajpo: alex-kaoru
Se ĉi tiu afiŝo plaĉis al vi, vi povas aboni la sekvajn per bloga RSS-fluo!
Probable vin interesos ankaŭ tiuj afiŝoj:
13 komentoj Transiri al komentoj
Karaj shatantoj de iPhone-oj! Vi nun havas unikan shancon uzi vian aparaton en la internacia lingvo Esperanto. Mi gratulas vin kaj la iniciatinton de la projekto!!!
Eble vi trovos samhobianojn dank’al eblecoj de la pagharo
http://esperanto-plus.ru/koresponda-servo/
Venu kaj uzu!
Bondezire
Viktor Kudrjavcev
Finfine blogo de iFono kaj Esperanto, tre bone. Dankon por cxi tio!
Nedankinde, ni ŝatas, ke oni nin vizitas kaj ni esperas esti interesaj kaj utilaj. Por tion fari kaj esti ni bezonus viajn komentojn.
Bele! Mi ĵus abonis la RSS-fluon de ĉi tiu blogo kaj reklamis ĝin per Twitter.
Dankon, Argilo. Mi bonvenigas vin ĉe nia blogo!
Tre bela blogo.
Mi konservos iun el miaj okuloj super ĝi.
Dankon, rubulo! Venu, komentu, demandu!
Bondezirojn! Vi uzas tre ĉarman etoson, DeskSpace, ĉu? Bele!
Saluton, Cindy. Vi pravas, ni uzas DeskSpace, ni iom aldisegnis al ĝi kaj rezulton vi povas vidi ĉi tie. Ĉu ankaŭ al vi ĝi plaĉas?
Jes, ĉu vi aldonis la emblemon de Apple sur la porteblan komputilon? Se jes, eleganta tuŝo! Mi neniam uzis ĉi tiun etoson; eble mi volos utiligi ĝin.
Karaj,
Saluton. Bona blogo. Estas gxoja ke Esperanto trovigxas cxie.
Nu. Mi sxategegegas iphonon. Sed mi ne povas acxeti gxin. Mi nur povas rigardi belajn fotojn de gxi kaj legi artikolojn por gxi. Mi devas sxpari mian salajron de 6 monatojn por acxeti iphonon1 Cxu vi kredas min?
Do, cxu tiu blogo ankaux estas nur por iphono uzanoj aux ankaux por tiuj frenezaj revantoj kiuj esperas ke iu iam jxetos belan iphonon sur mia tegmento kaj mi ekuzos gxin?
Razen Manandhar
http://razeno.blogspot.com
Jes, Cindy, ni mem aldonis emblemon de Apple sur tekokomputilon kaj ŝanĝis ĉiujn surskribojn al esperantlingvaj. La etoso devene estis anglalingva kaj mi ĝin esperantigis kaj la plejparto de kromprogrametoj en la blogo estis esperantigitaj de mi.
Saluton, Razeno.
La blogo estas ne nur por uzantoj de iFono, sed por ĉiuj, kiuj interesiĝas pri ĝi, inkluzive revantoj.
